სილაბუსი

ქვეყნები ერთმანეთისგან მრავალი ნიშნით განსხვავდებიან: კლიმატით, კულტურით, ტრადიციით და სხვა. გარდა ამისა, განსხვავების კიდევ ერთი საზომია, თუ რამდენად მდიდარნი არიან ამა თუ იმ სახელმწიფოს მოქალაქეები. არის თუ არა მათთვის სახლი, ჯანდაცვა, განათლება, სუფთა საკვები და წყალი ხელმისაწვდომი. ეს არის ეკონომიკური განსხვავებები.
მნიშვნელოვანი ეკონომიკური ინდიკატორები ბევრნაირია და ისინი ინფორმაციას გვაწვდიან თუ რამდენად ბედნიერები და კმაყოფილები არიან ადამიანები ქვეყანაში ცხოვრებით.

ცალკეულ ქვეყნებს შორის დიდი განსხვავებაა. ზოგს თბილი კლიმატი აქვს, სადაც ზღვის ნაპირზე გარუჯვა მთელი წლის განმავლობაშია შესაძლებელი. ზოგიერთ ქვეყანაში ექვსი თვე ღამეა და შემდეგი ექვსი თვე – დღე. ზოგიერთი ქვეყანა ზღვის დონეზე დაბლაა (მაგალითად, ნიდერლანდები), ზოგიერთი კი მაღლა, მთებში (ნეპალი). ეს არის გეოგრაფიული განსხვავებები. ზოგი ქვეყნის მოსახლეობა სულ 3 მილიონია, ზოგის კი მილიარდზე მეტი. ხალხი განსხვავებულია რასითა და რელიგიით; მიირთმევენ განსხვავებულ საკვებს და თავისუფალ დროს სხვადასხვანაირად ატარებენ. ეს არის დემოგრაფიული და კულტურული განსხვავებები. კიდევ ერთი საზომია, თუ რამდენადაა ადამიანებისთვის ხელმისაწვდომი სახლი, ჯანდაცვა, განათლება, სუფთა საკვები და წყალი. ეს არის ეკონომიკური განსხვავებები. როგორ შეგიძლიათ თქვათ, რომ მოცემული ქვეყნის მოქალაქეები კარგად ცხოვრობენ თუ ცუდად? არის ქვეყანა ეკონომიკური სიძნელეების წინაშე თუ არა?