როდესაც გადაწყვეტ გახდე მეწარმე, მთავარი საფიქრალი ხდება ის, თუ როგორი პროდუქტი უნდა გაიტანო ბაზარზე, რომელზეც მოთხოვნა იქნება. მეწარმის წარმატებისთვის მნიშვნელოვანია საქმე გრაფიკის მიხედვით, ხარისხიანად და თანაც ბიუჯეტის ფარგლებში აკეთოს, მაგრამ ამ ყოველივეს აზრი ეკარგება, თუკი თქვენი ხარისხიანი პროდუქტი არავის სჭირდება.

თქვენი პროდუქტი რომ ნაკლები გაიყიდოს ამაზე მუდმივად იზრუნებენ კონკურენტები, რომლებიც ცდილობენ მომხმარებლებს უფრო ხარისხიანი ან უფრო იაფი (ან ორივე) ანალოგი შესთავაზონ და ამით იყვნენ თქვენზე უფრო წარმატებულები.

სინამდვილეში, სწორედ მომხმარებლების სურვილების უკეთ დაკმაყოფილებაში შეჯიბრი არის ჯანსაღი კონკურენცია, რომელში დამარცხებაზე ან მასთან გამკლავებაზეა დამოკიდებული ბიზნესის მომავალი.

ბიზნესის წარმოებისას კლიენტების სიტყვების და ჩვენი ვარაუდების მიხედვით კი არ უნდა ვიმოქმედოთ, დანამდვილებით უნდა დავადგინოთ რას ელიან სინამდვილეში მომხმარებლები. ეს განსაზღვრავს წარმოების ხანგრძლივ სიცოცხლსუნარიანობას.

რა უნდა ვიცოდეთ

წარმატება როგორც ვთქვით კონკურენციაზე გადის. კონკურენციის დასაძლევად რათქმაუნდა მნიშვნელოვანია კონკურენტების შესწავლა, მაგრამ ასევე გადამწყვეტია საკუთარი შესაძლებლობების სწორად შეფასება. ეს საქმის სწორად დაგეგმვის საშუალებას გვაძლევს და გვეხმარება იმის განსაზღვრაში თუ სად და როდის უნდა გაწიო მეტი ძალისხმევა და როდის დაზოგო რესურსები და ენერგია. საკუთარი შესაძლებლობების ცოდნა ასევე ნიშნავს კონკურენტული უპირატესობის განსაზღვრასაც და იმის დადგენას თუ რა არის შენი შედარებითი უპირატესობა.
იმისთვის, რომ შეთავაზებული პროდუქტი მისაღები იყოს მომხმარებლისთვის, მთავარია პასუხი გავცეთ მთავარ კითხვას - ვისთვის არის განკუთვნილი ის?

ამის განსაზღვრა მნიშვნელოვანია არა მხოლოდ პროდუქტის შინაარსის დასახვეწად, არამედ იმ მეთოდების დასადგენად, თუ როგორ მიიტანო ის მყიდველამდე და გაყიდვის რა მეთოდი გამოიყენო.

როგორც უკვე ვთქვით, მეწარმის წარმატება კმაყოფილ კლიენტებზე გადის. სწორედ ამიტომ, მნიშვნელოვანია არა იდეალური პროდუქტის შექმნა თქვენი, როგორც პროფესინალის ხედვით, არამედ უნდა შეძლო, რომ ეს ხედვა კლიენტების სურვილებთან იყოს თანხვედრაში.

ასევე ნიშვნელოვანია იმის ცოდნა, რომ პროდუქტზე ფასს არა წარმოებისთვის გაწეული ხარჯი, არამედ მომხმარებლების მოთხოვნა განსაზღვრავს. არსებობენ მილიონ დოლარად შეფასებული საგნები, რომელთა დამზადების ღირებულება 100 დოლარზე ნაკლებია და ასევე საგნები, რომელთა შექმნაზე მილიონები დაიხარჯა, მაგრამ არავის სჭირდება.

მომხმარებლების სურვილების ამოცნობა რომ გადამწყვეტია ამის უამრავი მაგალითი არსებობს ჩვენს ირგვლივ. თვალსაჩინოა კომპანია Zappos-ის წარმატება, რომელიც ბანალურ იდეაზე, ფეხსაცმლის ინტერნეტ მაღაზიის გხსნაში მდგომარეობდა, რაშიც სიახლე არაფერი იყო. თუმცა მომხმარებლებთან მუდმივი კომუნიკაციით კომპანიის მფლობელმა აღმოაჩინა წარმატების (და სხვა კონკურენტი კომპანიების წარუმატებლობის) გასაღები — კლიენტები ონლაინ ფეხსაცმლის ყიდვას დაბრუნების ფუნქციის არქინის გამო უფრთხოდნენ. ფეხსაცმლის მორგება პრობლემურია, მაგრამ თუკი უკან დაბრუნებას შეძლებდნენ, მაშინ გამოწერაზე და დროის დაზოგვაზე თანახმა იყვნენ. აღნშნული ფუქციის დამატებამ Zappos-ი იაფფასიანი ონლაინ მაღაზიიდან წარმატებულ ბიზნესად აქცია, რომელიც Amazon.com-მა 1,2 მილიარდ დოლარად შეიძინა.

რატომ არის მნიშნელოვანი

მომხმარებლებთან ურთიერთბა მუდმივი სწავლის პროცესია. საქმის კეთების მხოლოდ პირველ ეტაპზე მიღწეული წარმატება არასდროსაა საკმარისი გრძელვადიანი, სიცოცხლისუნარიანი ბიზნესის შესაქმნელად. სწავლას ფაქტებით დადასტურება სჭირდება, და ეს ფაქტები მომხმარებლების განწყობაა, რომელზე დაკვირვებაც მეწარმს მუდმივ საქმეს წარმოადგენს.

 

Form by ChronoForms - ChronoEngine.com