როდის ღირს ფულის ღუმელში დაწვა? როდესაც ფული უფრო იაფია, ვიდრე შეშა! სიღარიბე არ ნიშნავს მხოლოდ ფულის ნაკლებობას. ადამიანი შეიძლება ცურავდეს ფულში, მაგრამ არაფერი ჰქონდეს საჭმელად. საქმე ისაა, რომ ფული, რომელიც ამ ადამიანს აქვს, შეიძლება ძალიან მცირე იყოს ბრუნვაში გაშვებული ფულის უზარმაზარ მასასთან შედარებით. ქვეყნები დაეცა და ეკონომიკური სისტემები დაიმსხვრა, რადგან არასწორად იყო გაგებული ფულის, ინფლაციისა და დეფლაციის არსი. ქაღალდის ფულის ბეჭდვისას, მოელოდნენ, რომ ხალხი გახდებოდა უფრო მდიდარი და პრობლემები მოგვარდებოდა.
მედიაარხები და ხალხი საუბრობს იმაზე, თუ რამდენი იყო წლიური ინფლაცია საქართველოში, ევროპაში ან გლობალურად: 3 პროცენტი, 2.1 ან იქნებ 10 პროცენტზე მეტი. ეს ნიშნავს, რომ ფულის ღირებულება შემცირდა და მეტი უნდა დახარჯო იმავე პროდუქტების შესაძენად. ფასები გაიზარდა. რატომ და რა იწვევს ფასების ზრდას?